ޓްރިނިޑަޑް އަށް އުފަން އިންޑިއާ ދަރިކޮޅުގެ، އަދަބީ
ރޮނގުން ނޮބެލް އިނާމު ލިބިފައިވާ ލިޔުންތެރިޔާ ވީ.އެސް. ނައިޕޯލް، އޭނާގެ
ދަތުރުނާމާ "އެމަންގް ދަ ބިލީވާސް: އެން އިސްލާމިކް ޖާނީ"ގައި ލިޔުއްވާފައިވެއެވެ:
އާޔަތުﷲ ހުމައިނީ އީރާންގައި ވެރިކަން ކުރެއްވީ، އިސްލާމީ އުސޫލުތަކާއި އިސްލާމީ އުސޫލުތަކާ ހިލާފު ވަނީ ކޮން ކަންތައްތަކެއް ތޯ ކަނޑައަޅުއްވަމުންނެވެ. އެއީ މާތް ކަލާނގެ މިންވަރު ކުރައްވާ ކަންތައްތައް މާނަ ކުރައްވަމުންނެވެ. އީރާނުގެ ވެރިރަށް ތެހެރާން އަށް އަހަރެން އައިތާ ދުވަސްކޮޅެއް ފަހުން ހުމައިނީގެ ވާހަކަފުޅެއް ރޭޑިއޯ އިން އަޑުއެހީމެވެ. އޭގައި ހުމައިނީ ވިދާޅުވީ ޝާހުގެ ހުދުމުހުތާރު ވެރިކަމާ ދެކޮޅަށް އިހުތިޖާޖު ކުރުމާމެދު މާތް ކަލާނގެ ރުހިވޮޑިގެންވިއެވެ. ނަމަވެސް މިހާރު މި އޮތީ އިސްލާމީ އަދި ގައުމީ ސަރުކާރަކަށް ވީ ހިނދު، އަހަރެމެންގެ ދުޝްމަނުން މިހާރު ދަނީ އަހަރެމެންނާ ދެކޮޅު ރޭވުންތައް ރާވަމުންނެވެ. އެހެންވީމާ އިހުތިޖާޖު ކުރުމަކީ ދީނީ ގޮތުން މަނާ ކަމެކެވެ. ސަބަބަކީ އެއީ އިސްލާމީ އަސާސްތަކާ ހިލާފު ކަމަކަށް ވާތީއެވެ.
No comments:
Post a Comment