މި ސުވާލުގެ ޖަވާބު ހޯދާލުމަށް ރައީސް ޑރ. މުއިއްޒުގެ ސަރުކާރަށް
ތާއީދު ކުރައްވާ، މުސްކުޅި ކުރެވިފައިވާ، "ގްރާސް ރޫޓްސް"ގެ ދިވެހި ބޭފުޅެއްގެ ގާތުގައި ސުވާލު ކޮށްލީމެވެ.
އެ ކަމަނާގެ ޖަވާބު ތިރީގައި މި ވަނީއެވެ:
"މިއީ އިސްލާމް ދީން ނަގަހައްޓަން މަސައްކަތް
ކުރާ ސަރުކާރެއް. ބޭރުގެ އަދި އެތެރޭގެ ފިއްތުންތަކާ ހުރެ އިސްލާމީ ޝަރީއަތް މި
(ދިވެހި) ރާއްޖޭގައި ނުހިންގިދާނެ. އެކަމަކު މަސައްކަތް ކުރުމަކީ ނެތް ކަމެއް ނޫން.
އަހަރެމެން މަރުވަންދެން ވެސް ތިބެން ޖެހޭނީ އިސްލާހީ މަސައްކަތް ކުރުމުގަ.
އެހެންވީމާ މި އިސްލާމީ ސަރުކާރާ ދެކޮޅު ހަދާ ނޫސްތަކާއި މީހުން ހަގީގަތުގައި އެ
މަސައްކަތް ކުރަނީ އިސްލާމް ދީނާ ދެކޮޅަށް. އެހެންވީމާ އެ ފަދަ ފަރާތްތަކަށް
މަރުގެ އަދަބު ދޭން ޖެހޭނެ. އަދި އެ ފަދަ ނޫސްތަކުގައި ވެސް ތަޅުއަޅުވަން ޖެހޭނެ. އެހެން
ނޫނަސް، އެ ނޫސްތަކުން ފަތުރަނީ ވެސް ދޮގު މައުލޫމާތު. ދޮގު މައުލޫމާތު ފެތުރުމަކީ
ހަރާން ކަމެއް. އެ ކަން ހުއްޓުވަން ޖެހޭނެ. އެހެންވީމާ އެ ނޫސްތައް ބަންދަ ކުރަން
ޖެހޭނެ."
އީރާނަށް "އިސްލާމީ އިންގިލާބު" އައި ފަހުން ކަންތައްތައް ހިނގަމުން ދަނީ މި ހިޔާލާ އެއްގޮތަށެވެ. އިސްލާމީ ވެރިކަމެއް ގާއިމު ކުރަން މަސައްކަތް ކުރާ ސަރުކާރެއް ކަމަށް ބުނެ، އެ ސަރުކާރާ ދެކޮޅު ވާ ރައްޔިތުންނަށް އެކިއެކި ނަމުގައި މަރުގެ އަދަބު ދެމުން ގެންދެއެވެ.
No comments:
Post a Comment