ފަޅު – ދިވެހި ކުރު ފިލްމެއް

 

މިދިޔަ މަހު 23 ގައި މަދޮޝިޕް މޯލްޑިވްސް ސްޓޫޑިއޯ އިން ވަނީ 23 މިނެޓްގެ ދިވެހި ކުރު ފިލްމެއް ޔޫޓިއުބްގައި ރިލީޒް ކޮށްފައެވެ. "ފަޅު"ގެ ނަމުން ނަން ދީފައިވާ މި ފިލްމް ލިޔެ، ޑައިރެކްޓް ކޮށްފައިވަނީ މޮވަނު ޝަފީގްއެވެ.

 

ފިލްމްގައި ދައްކުވައިދެނީ ހަޔާތުގެ ހާލަތް ހުރި ގޮތުން ރާއްޖޭގެ ރަށެއްގައި ދިރިއުޅެމުން އަންނަ ކުޑަ ދެ ފިރިހެން ކުދިން ވަކިވާން ޖެހޭ ގޮތެވެ.

 

އެ ގޮތުން ޔޫސުފް އަށް ޖެހެނީ އޭނާގެ އެންމެ ގާތް ރަހްމަތްތެރިޔާ ރާއި، އެ ކުދިން ދިރިއުޅެމުން ދިޔަ ރަށް ދޫކޮށް، ރާއްޖޭގެ ވެރިކަން ކުރާ ރަށް ކަމަށްވާ މާލެ އަށް ދިރިއުޅުން ބަދަލު ކުރާ ހިސާބުން، އެ ވަކިވުމާއި އޭނާ ނެތް ފަޅުކަން ތަހައްމަލު ކުރަން ދަސްކުރާށެވެ. އަދި އެ ދެ ކުދިންގެ ވަކިވުން ވެގެން ދަނީ ކުޑައިރުގެ ދިރިއުޅުން ވެސް ނިމުމަކަށް ގެންނަ ކަމަކަށެވެ.

 

މި ކުރު ފިލްމް ބަލައިލުމަށް ޔޫޓިއުބް ގައިވާ މި ލިންކަށް ޒިޔާރަތް ކޮށްލާށެވެ:

https://www.youtube.com/watch?v=T_xby0CLn8g&t=1158s

 

މަދޮޝިޕް މޯލްޑިވްސް (https://www.youtube.com/@madhoship) އަކީ ފިލްމާއި ޓީވީ އުފެއްދުންތައް އުފައްދަން ރާއްޖޭގައި އުފައްދާފައިވާ ސްޓޫޑިއޯ އެކެވެ. (https://www.instagram.com/madhoship/)

 

މަދޮޝިޕް ގާއިމު ކޮށްފައި ވަނީ ޒުވާން އަދި އުފެއްދުންތެރި ސިކުނޑިތަކެއް ހިމެނޭ ގްރޫޕެއް ގުޅިގެންނެވެ. އަމާޒަކީ ފަންނުވެރިކަމާއި މީޑިއާގެ އުފެއްދުންތެރިކަން މިހާރަށް ވުރެ އާ އުސްމިންތަކަކަށް ރާއްޖޭގައި ގެންދިއުމެވެ.